攝影者：游沛綺

投稿組別：靜態攝影

拍攝地點：六燃保溫基地

作品介紹：

2022年7月7號拜四下晝，新竹母語囡仔窟親子來參加霜毛夜婆台語的導覽介紹。
這改公視節目也來攝影，hip台語親子家庭的生活。乙慈先chhōa逐家去雞寮，介紹佇遮飼雞，是因為早前國民政府撤徙來台，空軍軍眷暫tòa佇大煙筒彼時，也有飼雞咧維持生活。所致大煙筒團隊飼雞，想欲倚近早前眷村居民生活的記持。

這附近也有細漢捌tòa過遮的媽媽會提chhìn飯、俗pháng、菜葉來飼雞，啊若有生雞卵，就會送予in食，厝邊逐家互相。

欲倚六點半，阮行去霜毛夜婆出現的所在，親目睭來看in對專用的柴枋仔厝飛出來揣食。阮這陣大大細細看kah歡喜kah，會當親目睭看著佮黑熊、石虎仝級的保育類的動物，是真罕得有的機會。真感謝大煙筒團隊佮提供機會，予阮親子會當增加霜毛夜婆保育佮歷史遺址保存的意識。